Super Love Story: Mibalik kanako

AKO si Rowena, 20 anyos na akong panuigon karon. Ang lalaki sa akong kinabuhi nga grabe akong gibati nga gugma ang itago lang gihapon sa pangalan nga Lennel, 22 anyos siya ning panahona. Pulos mi nagpuyo dinhe sa usa ka lungsod sa Misamis Oriental.

Grade six ko dihang naka-crsuh ko pag-ayo ni Lennel. Cute man gyod kaayo siya unya maayo kaayo modula og basketball. Akong gibuhat aron mapansin ko niya, gasige ko tan-aw sa iyang dula sa basketball apan wala gyod ko niya napansin tungod kay seryoso siya sa basketball ug gawas niini, seryoso pod siya sa pagtuon.

Niabot nalang ko sa high school, siya gihapon ang akong gahunahunaon. Mas nisikat si Lennel tungod kay nahimo siya og varsity sa among school. Daghan kaayo nakagusto sa iyaha.

JS prom namo niadtong tungora ug grabe ko ka excited kay makita nako si Lennel. Mura nako og mapraning sa sige og hunahuna kaniya adtong tungora. Pagpanguli namo, nasabay nako ilang grupo sa mga varsity. Nag-inom sila sa iyang barkada ug niapil mi sa akong friends kanila.

Ako gyod ang nagpapansin kaniya ug mitapad. Natingala ko kay niaghat siya kanako nga manggawas ming duha ug maoy akong namatikdan nisulod ming duha sa lodge. Adunay nahitabo namong duha.

Pagkaugma, maorag walay nahitabo namong duha apan maayo na iyang tinagdan kanako. Wala pa diha natapos, nasundan ang among sige og kita ug nahitabo kanamo.

Niabot sa punto nga naburos ko. Iya kong gipanindigan sa akong mama apan iyang mama ang dili uyon nga magminyo mi kay bata pa daw ming duha.

Tanan nga kalisod ug kasakit akong naekperensya, tanan mga pagsaway ug pagtamay akong gidawat tungod sa akong dakong gugma ni Lennel. Halos ako ang gabasulon sa tanan. Samtang niundang ko sa akong pagtuon kay miatiman sa akong anak. Si Lennel nagpadayon sa iyang pagtoun ug bag-o lang migradwar sa kolehiyo.

Sa pagkakaron nga nahuman na siya, mibalik siya kanako ug sa among anak. Dili maeksplanar ang akong gibati nga kalipay sa iyang pagbalik kanako.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph