TUNOK sa punoan sa buungon nga gitusok sa bamboo stick ug uling nga gidugmok unya gibutangan og tubig ug kamote isip ink.
Mao ni ang gamit sa tradisyunal nga pamaagi sa pagpatik o pagpa-tattoo ug usa ako sa nahatagan og kahigayonan nga makita kini sa personal dihang gibisita nako ang panimalay ni Apo Whang-Od, ang labing uwahi nga Kalinga Tattoo Artist.
Si Apo Whang-Od nga gibana-banang anaa na sa iyang ika-97 nga tuig sa kalibutan, himsog ug lig-on pa kaayo dihang ako ning nahinabi.
Gatuo ba kog kahibawo siya mo-Tagalog apan di man diay, ang ilang native language ang nahibaw-an ra niini apan pwede ka mangutana sa ubang namuyo didto kon unsay pasabot sa iyang gisulti.
Dili lalim ang kalayo sa panimalay niini sa Buscalan, Tingalayan, Kalinga tungod kay kon maggikan ka sa tugpahanan sa Manila paingon sa Kalinga mga 10 ngadto sa 12 ka oras ka nga maglingkod sa sakyanan.
Gawas sa habal-habal nga imong sakyan tungod kay di pa makasud ang sakyanan didto, pag-andam og tubig ug labakara sa kapin usa ka oras nga lakaw.
Di simple nga lakaw, trek ni diin nagpasabot nga mosaka moubos ka.
Sa mga nagplano nga moadto, pagseguro nga ganahan ka magpa-tattoo kay pwerteng layua.
Naa pay tour guide nga P300 matag usa ka tawo, ganahan ra ka?
Wa man ko nireklamo pero tungod sa kalayo bitaw niya, makasapot pud baya.
In-fairness sa mga tourist guide kay taga didto ra sad niya kay gutom man kay mi sa akong mga barkada pag-abot sa ilang Apo Whang-Od nangita dayon mi og mapalitan.
Libre ang kan-on! Sakto, libre ang kan-on niya naa silay baligya didto nga mga de-lata o mga noodles o canton.
Usa pa, mas nindot nga mag-overnight didto, maabi-abihon ra man pud ang mga lokal didto ug kon ganahan ka si Apo Whang-Od ang mo-tattoo hala, overnight kay daghan ang waiting.
Naa naman guy duha ka babaye nga apo sa tuhod si Apo Whang-Od nga iyang gitudloan nga mo-tatto usab si Grace Palicas ug Ilyang Wigan.
Apan si Apo Whang-Od ra gihapon ang mo-presyo sa tattoo nga nagkantidad og P300-P1,500 depende sa gidak-on.
Naa silay pattern ilaha ug pwede ka mamili, di sila mo-tattoo og kanang mga pangalan.
Si Apo Whang-Od, 25 anyos palang siya dihang nagkabuwag sila sa iyang bana tungod kay namatay kini sa aksidente.
Wa na siya mag-lovelife human ato so wa siyay anak. Siya mao ang giila nga “The Last Mambabatok” ug giingon nga labing tiguwang nga tattoo artist sa tibuok nasod.
Naa ra may bus gikan sa Manila paingon sa Kalinga tan-awa lang sa internet kon ganahan ka sa tukma nga plitehan.