SuperB miani og 5 ka awards sa CAMMA

LIMA sa unom ka mga pasidungog ang nadawat sa Superbalita Cebu sa ika-18 nga Cebu Archdiocesan Mass Media Awards (CAMMA) niadtong Dominggo sa gabii sa Cinema One, SM City Cebu, siyudad sa Sugbo.

Ang igsuon nga mantalaan, Sun.Star Cebu, nidaog og tulo ka awards.

Apil sa mga award nga nakuha sa Superbalita Cebu ang News Writing ug Special/Investigative Writing sa print Cebuano category sa tigbalita nga si Sheila C. Gravinez, Feature Writing in Cebuano si Herty Lopez, Editorial Cartooning si Ariel Itumay ug Co­lumn Writing in Cebuano si Jaybee Binghay.

Samtang ang Sun.Star Cebu maoy midaog sa Special/Investigative Writing in English category si Cherry Ann Lim, ang managing editor sa maong mantalaan, Column Wri­ting in English si Evelyn Luab alang sa Light Sunday ug Editorial Writing in English.

Ang ubang mananaog sa print category naglakip nila ni Ador Vincent Mayol sa Cebu Daily News sa News Writing ug Feature Writing in English category, Aldo Banaynal sa The Freeman sa photojournalism, ug Editorial Writing in Cebuano ang Banat News.

Si Cebu Auxiliary Bishop Dennis Villarojo niila sa mahinungdanon nga papel sa media sa pagpakaylap sa mga pagtulon-an sa Kristiyanismo ug kamatuoran nga makaimpluwensiya sa mga batan-on.

Iyang gihagit ang mga sakop sa media nga pabilin mobarog sa kamatuoran.

u201cMay you always uphold the truth even if they don’t like you anymore,” matod ni Villarojo sa iyang pakigpulong sa pagbukas sa kalihokan.

Ang Camma gipaluyohan sa Smart Communications, Inc. ug SM City Cebu.

Sa radio category, ang “Edi­toryal” ug “Balita sa Alas Siete” sa dyLA ang gipasidunggan isip Best Radio Commentary ug Best Radio News Program; “Ang Lungsod ug ang Balaod,” “Kini ang Akong Suliran,” ug “Straight to the Point,” pulos sa dyHP, midaog isip Radio Development Communication Program, Radio Drama ug Radio Public Affairs Program; ug Brigada Kaalaman sa Brigada News sa Radio Plug alang sa Public Service Announcement.

Nakadawat og special citations sa Educational Program ang Bantay Bata 163 sa dyAB ug Radio Talk Show ang Lite Rock sa WRock.

Sa advertising category, nakadawat og awards ug special citations ang International Pharmaceuticals Inc., Cebu Advertising Services and Promotions, RMN dyHP ug Above the Line Productions.

Samtang sa TV category, nakadawat og awards ug special citations ang Spotlight ug Marian Episode sa My TV sa TV Public Service Announcement Plug ug Talk Show; TV Patrol Central Visayas, Kapamilya Mas Winner Ka ug MagTV Na sa ABS-CBN alang sa TV News Program, Variety Show ug Magazine Show.

Ang Cebu Archdiocesan Commission on Social Communications nga gipangulohan ni Msgr. Agustin ‘Ting’ Ancajas nipakita sa bag-ong logo sa CAMMA. (SCG)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph