DAVAO CITY -- ANG poultry industry miingon nga dunay kakuwang sa suplay sa manok sa miaging tuig ngadto sa kasamtangan tungod sa sobrang pagpagawas sa suplay sa manok padung Metro Manila.
Si Attorney Lalaine Dela Victoria, Davao Poultry and Egg Producers Inc. (DPEPI) president, miingon nga ang istatistika sa City Agriculturist Office sa 2016 nagpakita nga dunay 40 milyones nga suplay sa manok nga panginahanglan matag tuig sa siyudad.
Apan, 32 milyones lamang ang naprodyus gikan sa miaging tuig ngadto sa kasamtangan.
"It is not only the broiler chicken population that decreased but as well as the breeding chickens as the chicks used in chicken raising are from the breeders," suma niya.
Ang 32 milyones nga annual production sa manok sa dakbayan, suma ni Dela Victoria, nabahin sa konsumo sa Davao ug mga lugar diin ang asosasyon nag-eksport sa ilang produkto.
Suma ni Dela Victoria nga ang DPEPI nag-eksport og manok sa Metro Manila sanglit didto ang daghang panginahanglan sa nagkadaiyang kompanya.
Dugang niya nga ang populasyon sa dakbayan nagkadaghan og naapektuhan ang panginahanglan.
Ang 100 diyas nga piso miubos usab sa 65 porsyento gikan sa miaging tuig ngadto sa kasamtangan nga nagpasabot nga di makahimo ang farms sa pag-eksport sa mga piso.
"Even with the present shortage of chicken supply, we cannot stop the exportation of it just to sustain the supply for the city because it is business," sulti ni Dela Victoria.
Ang DPEPI kasamtangang nagtrabaho sa pag-establisar sa dugang poultry farms ug ang ekspansyon sa kasamtangan nga umahan nga motugma sa panginahanglan nga dugang suplay.
Apan, si Dela Victoria nga kasagaran sa poultry growers dunay mga isyu sa zoning sa poultry farms sanglit ang dakbayan nagkinahanglan nga magbutang sa ilang umahan sa agrikultural nga luna nga nalista sa zoning ordinance.
Dunay 60 ka dagko ug gagmay nga chicken growers ang narehistro sa DPEPI.
Ang dagko nga growers makabutang og 300 mil ka mga manok, samtang ang small-scale growers makaopuka lang og 10 mil nga manok matag tuig.