DI katuhoan ang special survey sa Social Weather Stations (SWS) sayo ning semanaha nga nipakita nga mas dakog bentaha si Kong. Gabriel Luis R. Quisumbing isip kandidato sa pagka-mayor sa Mandaue City.
Mao kini ang reaksiyon sa kampo ni Konsehal Emmarie “Lolypop” Ouano-Dizon, kinsa lumad nga taga Mandaue ug nagpapili pagka-mayor sa Madnaue ubos sa One Cebu.
Ang pre-election survey gisuportahan sa usa ka Atty. Victor Rodriguez.
“We would like to remind Mr. Rodriguez that the camp of Mr. Luigi Quisumbing also held a press conference a week before the 2007 congressional elections, saying that he would win. It turned out that he lost badly to Rep. Nerissa Soon-Ruiz despite spending P200 million for the campaign. So for us, Mr. Rodriguez is entitled to his own entertainment,” matod ni ni Atty. Gonzalo D. Malig-on, legal counsel ug campaign adviser ni Ouano-Dizon sa dihang gikuhaan ug habig ning mantalaan.
Dugang niini nga way politko nga moangkon sa kapildihan sa kaugalingon niining survey; ilang gitan-aw nga ang survey nga usa lang ka gamay nga ‘PR stunt’ sa pikas kampo.
Gitataw ni Malig-on nga kompiyansa sila nga modaug si Ouano-Dizon sa piniliay karong Mayo 9. Base sa independente nga survey nga gihimo, nag-una ug nidoble ang mga nisuporta niini.
“Based on an independent survey, which is more credible with 1,200 respondents compared to the mere 400 respondents in their survey, our candidates got double-digit lead against the opponents,” dugang ni Malig-on.