Dear Noy Kulas,
Tawga lang kog Daisy, married with two kids. Sukad ko nagsunod aning imong column, wa pa ko makasugat og problema nga pareho sa akoa.
Minyo ko,Noy, for years pero dugay na kong nagduda nga bisexual ko. Diha ra ko ni na-feel ug na confirm human nako ma meet ang usa ka babaye nga feeling lalaki. Sa laktod, nagkakami kay nagkasuod mi sa among work.
Akong gitago ning among relationship kay duna koy pamilya, bana ug mga anak. Pero okay ra ang among married life sa akong bana but I still feel guilty kay naa koy relasyon nga laing tawo nga gituohan ra sa akong family nga akong suod kaayo. Sa pagkatinuod, duna mi relasyon aning akong amiga. Babaye sab kaayo siya tan-awon, Noy, mao nga way magduda namo. But in love kaayo mi with each other.
Unsa may akong buhaton aning among relationship? Mo survive kaha ni? Mas maayo pa tingali ni kay sa lalaki ang karelasyon, di ba? Unsa may imong ikatambag ug ikasulti aning akong problema?
DAISY
Daisy,
Di ko moingon nga sala o di sala ang inyong relasyon. But duna man gud nay danger. Ang labing dako ana nga kakuyaw mao nga mamugnaw ka sa imong bana kay mas ganahan ka na sa imong amiga. Labina kon magkadugay na ang inyong relasyon. Unya momugna ni og strain sa inyong married life sa imong bana kay posible ning mahitabo. Moabot man gyud ang higayon nga you will hate the other, and love the other one.
Moapekto usab ni sa inyong sex life tingali. Kay hayan mas ganahan ka sa imong amiga nga maoy imong partner kay sa imong bana. Nakasugat na kog actual cases sa ingon ana nga sitwasyon nimo. Mao na nga ang mga partner makabantay nga bugnaw ang usa while sila wanting pa. Unya sa gihapon, dinhi magsugod ang mga pagduda ug uban pa hangtod nga maapektuhan ang relasyon kay mag-away na man hinuon mo.
Busa, timbang timbana kon kini worth it ba. Huna-huna nga wa man diay kuwang ang imong bana, nganong nangita pa man ka? Unya, ubani sab diay sa pag-ampo nga unta malamdagan ug hatagan kag kalig-on ning imong sitwasyon karon.
NOY KULAS
(Alang sa imong problema, e-mail sa kulassuper@sunstar.com.ph)