‘Ten-Dahang Karnabal’ ilusad sa Prince Hypermart

ILUSAD sa Prince Hypermart ang Ten-Dahang Karnabal karong Agusto 15, Sabado, isip pagsaulog sa ika-10 ka tuig nga Sari-Sari Store Festival sa Amnesia Superclub sa North reclamation area sa dak­bayan sa Mandaue.

Ang maong kalihukan gikatakdang langkuban sa kapin 2,000 ka mga tag-iya og sari-sari store nga nahimutang sa lainlaing lugar sa dakbayan ug lalawigan sa Sugbo gikan sa 46,000 ka mga sakop sa Visayas ug Mindanao isip pagpasalamat sa ilang mga kustomer nga nagsunod sa ilang mga produkto.

Ang mga organizer sa Ten-Dahang Karnabal mopahigayon usab og update sa royalty members bahin sa ilang mga bag-ong programa ug promotion sa Prince Hypermart aron sila mag­pabilin isip miyembro.

Aduna sad silay giimbitar nga keynote speaker nga naglangkob ni Interior Secretary Mar Roxas, kinsa nabantog nga “Mr. Palingke” ug nagdala og libuan ka mga trabaho sa Pilipinas dihang siya pa ang kalihim sa Department of Trade and Industry (DTI).

Mopasidungog usab sila sa Top 10 customers, adunay live entertainment, celebrity nga si Paul Jake Castillo lakip na ang paghatag og libreng pagkaon ug snacks sa mga motambong uban sa mga dagko nga parempyo.

Matod ni John Rober­tson Go, usa sa mga executive sa Prince Hypermart ug anak ni Robert Go, ang presidente ug CEO sa kompaniya nibutyag nga adunay silay 24 ka mga tindahan lukop Visayas ug Mindanao ug gikatakda silang motukod og laing 4 sa dili pa matapos ang tuig 2015.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph