DEAR Tita Heart
Ako diay si Jason. Duna koy uyab nga si Lalang, taga Claveria, Misamis Oriental. Dugay nami wala nagkontak mga eight months na. Tapos wala pami sukad nagkita ni Lalang.
Kadtong ga-text pami sige siya ingon daghan daw gapanguyab niya taga ilaha gihapon pero iyang papa di madawat kay mga ngil-ad ug batasan, bati pa manamit.
Iyang papa ni Lalang nitawag sa akoa ug iya kong giingnan kung seryoso ba daw ko sa iyang anak ug gitubag nako nga grabe ko ka seryoso. Tapos sige ko padala og kwarta kay wala silay pagkaon kay lisod kayo ang kinabuhi sa bukid unya iyang mama ug papa dawat ko nila kay seryoso ko nga uyab, magsige gani to og hilak og dili ko maka-text.
Tita Heart tambagi ko unsa akong buhaton kay nine months na raba mi wala nagkatext mingawon raba ko niya kay manyahon kayo si Lalang nako. Unsa akong buhaton tita please tambagi ko.
rJason
*****
Hello Jason,
Dili nako direkta matubag imong gipangayo nga tambag tungod kay wala nimo gisulti dinhi sa imong sulat kung nganong kalit lang nawala inyong komunikasyon ni Lalang nga unta maayo naman to inyong relasyon lakip sa iyang pamilya.
Kung love pod nimo siya nganong gipaabot pa nimo og walo ka bulan nga dili siya makita ug matext man lang. Nganong wala ka nangita og paagi nga makapamasahe ug makaadto sa Claveria aron personal nga makita imong uyab lakip iyang pamilya.
Akong hulaton ang rason nganong naputol inyong panagtext ni Lalang sulod na sa siyam ka bulan ug unsa ang hinungdan.
Salamat.
*****
Maayong adlaw diay kay Maam Miguela Concon nga taga Ozamis City kinsa
suki kayo sa SuperBalita. Nadawat nako imong sulat karon lamang adlawa
(December 14). Salamat sa pagsulat kanunay kanamo maam.
rTita Heart