Valdez target ni Tepora

ANDAM ang kampo sa bag-ong World Boxing Organization (WBO) Inter-Continental featherweight champion nga si Jhack “El Capitan” Tepora sa bisan unsang moabot nga oportunidad bisan pa’g usa ka kababayang boksidor ang moharong sa iyang agianan.

Hinuon nagkanayon si Omega Pro Sports International (OPSI) vice president Jerome Calatrava, ang pag-challenge kang World Boxing Organization (WBO) featherweight king Mexican Oscar Valdez mao ang ilang gihatagan og atensyon sa kasamtangan.

Si Tepora ug Valdez parehong minglampos sa ilang tagsatagsa ka away ning bag-uhay lang.

Nagpaila si Tepora sa tibuok kalibutan dihang niposte siya og impresibong 2nd round TKO nga kadaugan batok sa kanhi world champion nga si Lusanda Komanisi sa South Africa aron angkunon ang kasamtangan niyang bakus.

Samtang si Valdez mibangon sa 4th round knockdown aron lupigon ang laing Pinoy nga si Genesis Servana pinaagi sa unanimous decision nga kadaugan aron depensaan ang iyang titulo.

u201cHe has been offered by a South African promoter to promote him. Another close to Top Rank also offered him to fight Oscar Valdez,” matod ni Calatrava sa usa ka press conference sa Abuhan Dos sa dalan Ramos, dakbayan sa Sugbo.

u201cEverything is still under review it will be a team effort. We will ask him (Tepora) if he’s ready for Oscar Valdez. We might take that direction if the offer is on the table. It’s not yet definite what happens next but if you ask us, we want the title fight.”

Si Tepora, kinsa adunay 21-0, 16KOs nga rekord, miangkon nga dili sayon kontrahon si Valdez apan dili kini niya atrasan kon mopaingon ang dalan nga iyang subayon ngadto sa ilang panagharong.

u201cSeguro ang advantage lang nako ni Valdez kay ang maru-maro lang nga away, kanang utokay nga away,” asoy ni Tepora, kinsa nakahakot og daghang mga medalya dihang sa amateur rank pa kini nagkampanya.

Laing opsyon alang kang Tepora mao ang rematch batok kang Komanisi apan ning higayuna, gusto sa iyang kampo nga anhi na sa Pilipinas ipahigayon ang away.

u201cIf there is a chance, yes we host the event here in the Philippines especially here in Cebu. If Lusanda wants to challenge, why not. Let him come here and fight in Cebu,” pasabot ni Calatrava.

Apan giklaro ni Calatrava nga kon usa ka Pinoyng boksidor ang manuktok og oportunidad nga makig-away kang Tepora, dili sab sila magpanuko sa pagkonsiderar niini.

u201cOur management is ready kon naay Pinoy boxer nga mo-challenge namo,” asoy ni Calatrava.

Lakip sa Pinoyng mga boksidor nga naa sa world rating sa timbang ni Tepora mao sila si Mark Magsayo ug Jason Pagara sa ALA stable ug hasta si Servania. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph