GUSTO ko lang ipasabot kaninyo ang kabahin sa Department of Agrarian Reform bahin sa isyu sa Madaum Agrarian Reform Beneficiaries Association Inc. (Marbai) sa 145 ka ektaryang sagingan sa Tagum City.
Punto por punto nga akong ipasabot.
1. Usa kini ka isyu bahin sa implementasyon sa balaod sa DAR nga dunay eksklusibo ug orihinal nga hurisdiksiyon sa pag-impmentar ubos sa Section 50 sa Akta Republika 6657 as amended.
2. Ang gihimong aksiyon sa DAR nahisukip sa Writ of installation ug ang gitawag nga Break Open Order naa gihapon sa Section 50 sa RA 6657 as amended kini ang exercise sa quasi-judicial powers sa DAR.
3. Ang quasi-judicial powers sa DAR naghatag sa maong buhatan sa bugtong awtoridad sa pagdeterminar kon ang kaso sa korte dunay kaguliyang bahin sa agraryo. Kini ang hinungdan ngano ang tanang korte gi-require sa Section 50 RA 6657 as amended nga gitawag nga AUTOMATICALLY REFER the case to DAR
4. Walay korte gawas lamang sa korte suprema ang makapugong nga ipatuman sa DAR kini nga pagpatuman sa programang agraryo
5. Ang Marbai usa ka organisasyong kooperatiba sa Agrarian Reform Beneficiaries. Ang miyembro sa MARBAI mga rehistradong tag-iya sa SANID ug ubang lugar nga tag-iya ug certificaten of landownership awards kUn CLOA dili ang Lapanday
Gisuportahan sa gobyerno ang pagpahimutang sa mga miyembro-benepisaryo tungod kay dunay gibasihang balaod ug gimando sa balaod nga iinstalar na ang Marbai sa gipanag-iyahan niining kayutaan.
Aron masayran sa Lapanday kining gihimo sa DAR dili kasong graft and corruption kay gihimo ni Secretary Rafael "Ka Paeng" Mariano base lamang sa kamandoan sa balaod nga gipalig-on sa kamandoan ni Pangulong Rody Duterte.
Kung gisumpay ug gipasangil ninyo kang Ka Paeng pagpanunog sa intaslasyon o planta sa Lapanday dako kining sayop.
Sa akong nahibal-an ang gihimo karon sa mga NPA nagasilot lamang sa mga agalong adunahan nga gitawag nga Oligarch nga wala motuman og tinuod nga kasabutan nga bisan yuta sa kuko sa mga gagmay gusto pa nga kuhaon.
Maluoy pod mo, uy.
Nakasaway usab ko niadtong mga migamit sa mga gagmay'ng katawhan nga nagpaburot lamang sa ilang mga kaugalingon, kamo ang angay nga silutan kay kamo ang nagsunod sa kagubot sa maong dapit ug uban pang samang kaso.