MADAYAW Dabaw, gibuksan na ang ika-30 ka tuig nga Kadayawan sa Dabaw 2015 diin niadtong 1986 gisugdan kini pinaagi sa anhing inkargadong alkalde nga si Atty Zafiro Respicio sa ngalan nga "Apo Duwaling."
Na-usab lamang kini pinaagi sa usa ka ordinansa diin nahimo na kining opisyal nga kasaulogan sa pagpasalamat sa abundang abot sama sa pagkaong prutas ug kahamugaway sa atong pagpuyo dala sa maayong kahimtang sa panahon.
Gasa kini sa Kahitas-an nga dili nato palabyong ibalik ug pagpasalamat. Ang Apo Duwaling mao ang pag-ila sa atong kabukiran ug kabulakan.
Ining Agosto 21, gideklara nga adlaw sa kasadya ug dinhi sa dakbayan walay trabaho ug eskuwela.
Sa laktod, special holiday sa Davao City. Mamahimo kang mo-claim og double pay kon pugos kang patrabahuon.
Apan kini nga kasaulogan wala gigamit sa atong Mayor (Rody Duterte) nga panukaran sa iyang politikanhong ambisyon. Wala ko magsulti nga pagka-presidente apan sa bisan unsang ambisyon. Sukad-masukad wala gayud ko kahinumdom nga ang mga kalihukan ug selebrasyon dinhi sa siyudad gigamit nga kapital sa mga Duterte sa ilang mga political ambitions. Apan luyo ning tanan nakuha gayud nila ang tinuod nga gidaghanon sa boto nga tawgon natong tinuod gayud nga gipili sa katawhan, kining boto nga sobra katunga sa katawhan asa siya nagpapili.
Akong hulmon ang pigura sa akong amigo nga nagdamgo sa Federalismong Republika sa Pilipinas.
Ang tanang Filipino voters kinahanglang mobantay sa kalapasan sa basic republican democratic unwritten
Majority Rule principle:
1. FVR : 27% plurality president; dili President sa 73% Filipino voters;
2. ERAP : 40% plurality president; dili President sa 60% Filipino voters;
3. GMA : 33% plurality president; dili President sa 67% Filipino voters;
4. PNOY : 35% plurality president; dili President sa 65% Filipino voters.
Alang kang Mayor Rodrigo Duterte nanginahanglan siya sa MAJORITY PRESIDENT aron iyang maangkon ang FULL POLITICAL CAPITAL aron iyang mahimo ang dakong tahas aron iyang mapa-usab porma sa kagamhanan ngadto sa Parliamentary Federal System tumong nga maseguro nato ang nasud, intact ug happy homeland PILIPINAS!
Kinahanglan ni Duterte nga modaug sa 2016 presidency by at least 51% votes of all Filipino voters.
Makahimo kaha ta niani? Yes or no?
Happy Kadayawan sa tanan!