ANG mga nag-unang mga hinawayon ug planong molumpag sa administrasyong Duterte mao kining mga tawo nga wala gayuy nahimo sa atong nasud.
Kini silang mga tawhana mao ang mga tawo nga puno sa kapungot, kasuko ug hakog sa gahum nga karon nagpagamit sa mga organisasyon nga maoy tigpasiugda og gubat sa kalibutan.
Kon kahinumdoman nato, bay, sa dihang paingon na ang pagtak-op sa Kongreso alang sa ilang bakasyon ug pahulay giduso sa usa ka partylist representative nga bata-bata sa usa ka senador, ang impeachment complaint batok sa atong pangulo nga si Rodrigo Duterte.
Timan-an nato nga ang nahisgutang grupo gikan sa grupong Magdalo nga kon atong mahinumdoman kining grupoha mao ang mga sundalo nga miilog sa usa ka hotel sa Metro Manila.
Ang nangulo sa nailhang Oakwood Mutiny mao sila si Senador Antonio Trillanes, nga karon usa na ka senador, ug Faeldon nga karon hepe na sa buro sa adwana).
Kini si Trillanes tungod sa iyang kasikatan sa maong hitabo, mao ang nakapahimo niyang senador. Buot ipasabot, gihimo niyang kapital ang nahisgutang insidente aron magpapili pagka-senador.
Tungod kay mahilig sa grandstanding, nagtuo si Trillanes nga kon mopapili siya sa taas-taas nga posisyon saligan siya sa katawhan.
Kini si Congressman Gary Alejano sa Magdalo partylist ug ang iyang amo nga si Trillanes, sa tinuod lang dili serbisyo ug paghigugma sa katawhang Pilipino.
Ang pagpaburot lamang sa ilang kaugalingon mao ang una nilang giapas. Ngano? Tataw kaayo nga ang nagsugo kanila nga disturbuhon ang kasamtangang administrasyon mao ang mga dili makadawat og kapildihan nga mga grupo ug ang pundo nga ilang gigamit mao ang salapi gikan sa Central Intelligence Agency kun CIA ug mga gambling ug drug lords.
Pangutana nato ining mga kalaban sa kasamtangang administrasyon, naa ba kamoy nahimo alang sa kaayohan sa katawhang Pilipino?
Sa tinuod lang, kini si Trillanes ug si Alejano nagpakaulaw lamang sa pangalan sa Magdalo kay ang akong nailhan nga Magdalo base sa kasaysayan, ang Magdalo mao ang grupo sa mga maisog nga tigpanalipod sa mga Pilipino batok sa mga langyaw'ng puwersa nga buot mosakop sa atong nasud.
Kini pod si Vice President Leni Robredo nagpaggamit aron makab-ot lamang niya ang labing taas nga posisyon sa nasud.
Walay kapasidad si Robredo nga mamahimong presidente kay wala kini baruganan kay ang nagdala sa iyang utok karon mao ang mga tawo nga maoy miguba sa Pilipinas.
Sa tinuod lang, si Robredo mao ang benepisyaryo sa pagpanikas sa milabay'ng administrasyon. Wala molampos ang mga tikasan tungod kay mipatigbabaw ang tingog sa katawhan nga ang resulta si Duterte ang gibotohan.