DAKPAN ang usa ka konduktor sa bus human gisikop sa kapulisan sa Magsaysay Police Station sa Barangay Kibungsod, lungsod sa Magsaysay, Misamis Oriental.
Giila ang dinakpan nga si Alemar Pajaron, 24, residente sa Artadi, susamang lungsod.
Nasayran nga kining suspek ang wanted sa kasong Violence against Women and Children batok sa giingong pagpangabuso niini sa iyang pamilya nga nahitabo sa probinsya sa Bukidnon.
Apan daw sa lungsod sa Magsaysay kini nagtago-tago human dakpunon hinungdan dihang nahibaloan ang presensya niini.
Gikasa sa kapulisan sa Magsaysay sa pagpangulo ni Police Senior Inspector Durley Vembo ang operasyon pagsikop niini aron isilbi ang warrant of arrest nga giisyu ni Judge Isabel Barroso sa Bukidnon.
Ang suspek detinado na karon sa prisuhan kinsa daw andam serbisyuhan ang gihukom kaniya.
Hinuon adunay girekomendar nga piyansa batok niini nga mobalor og P60,000.