WBO Orient title-fight sa Agosto 14

ANG taga Dabaw nga undefeated boxer nga si Jay-Ar "The Hitman" Inson makigharong kang Indonesian Victor Mausul alang sa bakanteng World Boxing Organization (WBO) Orient Lightweight Interim Championship sa Agosto 14, ala 1 sa hapon didto sa SM Davao Annex sa Ecoland.

Ang 12-round title-fight sa main event sa "Tibay ng Pinoy IX: Clash in the Orient" gipresentar sa MP Promotions USA, LLC sa koordinasyon sa Joven Sports Promotion.

"It's our support to this year's Kadayawan sa Dabaw celebration," matod ni promoter Joven Jimenez.

"We would also like to thank SM Davao for allowing us to stage our boxing event for the first time inside a mall," sulti ni Jimenez, kinsa nahimamat si SM Davao management Vice President for Marketing Russel Alaba.

Ang Tibay ng Pinoy IX, libre sa publiko diin dunay lima ka 10-rounders, duha ka 8-rounders ug tulo 4-rounders.

Si Inson, 24, gikonsiderar nga usa sa prominadong boksidor sa MP Davao diin midaug siya og walo ka away ug lima dinhi ang knockout.

Una niini, gipatulog niya si Elmer Legaria sa unang round niadtong Abril 5 sa Panabo City.

Ang lain niyang biktima mao sila Phil Angamor (1st round), Hagibis Quinones (3rd round), Eddie Gomez (1st round) ug Wariel Verano (2nd round).

Ang laing tulo nga daug ni Inson pinaagi sa unanimous decisions mao ang away batok Gabby Siempo, Avelino Ramos ug Adamdiv Abdulhamid. (SDD-CMO)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph