Lifestyle

NAKASUWAY ka na ba nga ganahan ka og usa ka butang? Unya sa sige nimong huna-huna nga makuha, naimoha na gyud? Kaniadto, wa ko maghuna-huna nga makapalit bisan og usa ka biseklita kay alang nako, mahal ra kaayo. Apan one time, niabot og 16 ang among mga biseklita, sagad mga folding bike, nga akong gi-collect gikan sa akong suod nga higala nga si Jay Garganera, maguwang ni Cebu City Councilor Joel Garganera.

Ambot lang sab ni si Jay, niadtong nabuang pa ko sa folding bikes, andaman dayon ko og nindot nga Dahon folding bike. Mao nga ang akong folding bikes Dahon ug Chevy. Apan di ni maoy sugod nako. Ang akong bikes nga una mga mountain bike. Nagsugod ra sab ko sa tag P8,000 hangtod nga nagsige og upgrade ug nagpa assemble og lain. Lima ka MTB ang akong nagpabarog.

Ang latest nako mao ang extra small nga Niner 29er nga akong gigamit sukad earlier this year. Wa unta koy plano nga mopalit, apan ganahan man ko gatan aw sa akong mga amigo nga nag 29er, nagsige sab ko og ampo nga makapalit. Natuman gyud.

Mao diay ni ang gahom sa positive thinking, ubanan sa pag-ampo, ihatag gyud sa Ginuo. Nagpasalamat sab ko sa akong higalang si Wendell “Phukey” Valeriano nga nagtabang nako ani.

Di maayo

Kon nagsige ka nag pasingot kaniadto, di maayo nga hingpit mo kining biyaan o panagsaan. Ubanan pa sa di maayo nga diet, dako kini og epekto sa panglawas. Sa akong kaso, sukad ko panagsa na lang mobiseklita ug kanunay magpulaw, nisaka ang akong blood pressure. Sagad naa kini sa 130/90 o 140/90. Ang una borderline samtang ang usa sign sa hypertension.

Daan na kong gipahimangnoan sa akong higalang doktor nga nakahibawo sa akong sigeg biseklita kada adlaw kaniadto ug pila ang akong ma log sa sigeg tindak kada adlaw. Arang arang na lang nang akong blood pressure kay sa usa nako ka higala nga mas taas. Nagsabot na ming manikad og balik.

Ako, tungod sa akong trabaho, maglisod, apan duna may laing paagi aron makapasingot. Ang pagkatulog og sayo ang importante. Disiplina ang gikinahanglan.

Di una

Kaniadto, nakasuway na ko ani nga blood pressure. I was advised sa doktor to exercise. Tuod man, nius us ra ang akong BP ug nibalik sa normal. Di tinuod nga ang hypertension di mamaayo sa natural nga paagi. Sa tinud-anay lang, kini nga sakit resulta sa lifestyle. Busa, ang pag usab sa lifestyle makasulbad ani. But consult a doctor.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph