Mobalik pagduwa ang beteranong si Kyle Lowry sa iyang yutang natawhan sa Philadelphia 76ers sa sunod season sa National Basketball Association (NBA).
Si Lowy, 38, kinsa usa ka six-time All-Star, nipirma og bag-ong usa ka tuig nga kontrata sa 76ers.
Nakuha si Lowry sa 76ers sa midseason sa miaging season human siya gi-trade sa Miami Heat ngadto sa Charlotte Hornets, nga ni-waive kaniya paglabay lang sa tulo ka semana.
Sa iyang pagduwa sa 76ers sa miaging season, si Lowry nag-average og 8.0 puntos, 4.6 assists ug 2.8 rebounds sulod sa 23 ka mga duwa sa regular season. / AP