NGANANG Ardyun:
"Ing mambang-aldo Bibaswan matwa ya king beytan Keka, Ngana pa:
Makananu kung asanak a king kamumulan tiru Mu ing kabelwan-belwang iti kaya?
Your browser may not support display of this image. Ing Nwan a Ginu nganang sinabi: Dakal a dakal a beytan ing keka at Kanakung lebasnan. Atandanan ku la ngan, dapot ika ali mu, O talasaul ding kasalang!
Your browser may not support display of this image. Bista ma't e ku mibait at ing Kanakung katawang lampas-lampasan e ya malalaso, at agya mang Aku ing Panginwan da ring sablang maki-kapanamdaman a lelangan, Papalto Ku pa mu rin balang kata-katambanwa king Kanakung pigmulang arle.
Your browser may not support display of this image. Nu man karin at kapilan man ating pangababa ning dapat kapanaligan, O sapni nang Barat, at mangibabo pangatas ning kelang kapanaligan - kukuldas kung sarili Ku kanita.
Your browser may not support display of this image. Bang k'eta akabus Ku la ring mapanalig at bang gisanan la ring mangarok, at bang mu naming itatag lang pasibayu ding tuntunan ning kapanaligan, papalto Ku ing Sarili Ku kata-katambanwa kaybat ning kata-katambanwa." -- Dalit ning Kakataskatasang Panginwan, Dangkang ka-4, Sunis 4-8.
Kadwang aldo ning ka-9 a bulan o Setyembri - ing "Krishna Janmashtami" o "Krishnashtami" ,"Saatam Aatham" ,"Gokulashtami", "Ashtami Rohini", "Srikrishna Jayanti", "Sree Jayanthi" o kabud mu"Janmashtami", metung yang kapagmasusyan king kayaldawan o beytang aldo Krisna, ing pamanipa na keti labwad kanitang milabas a limanglibung banwa.
Binsagan da iting "Krishna jayanti" o "janmashtami" anting kapagmasusyan neng kawalung aldo ning madalumdum a kapitna ning bulan o "Krishna Paksha" ning mibansagang "Shraavana" king lunar o Vaishnava calendar, kabud patas ya ing awsan dang "Rohini Nakshatra". Parati ya iting mitutud kilub ning libutad ning Agostu at Setyembri king Gregorian calendar. King banwang iti, mipagmasusyan ya iti kanitang milabas a nakapat.
Mengaring pamibalikid karing dapat nang Krisna o "Rasa lila" yang papakit da karing kapagmasusyan karing dane ning Mathura at Vrindavan a nung nu ya pepakit inyang tipa ya keti sulip at aliwang talatuki ning Vaishnavism king Manipur. Nung ing "Rasa lila" babalikid ya karing malikut nang kayanakan Krisna, ing "Dahi Handi" pagmasusyan na ing kapamyalungan na at mamulang a dake, Karin ating mapilang baintau a gagawang paukyat a patilus a nung da pakikwanan ing metung a makakuran a mantikilya o butter at aspakan de iti. Sasalbag da iti karing malda a matula namang sasamsam at sasapu kaniti anting kalam a kakalat ning Apung Ginu karing lelangan.
Mekad dakal ing mangasdan at mangutang..." ninu i Krisna?"
I Krisna o Krishna ing makapalibutad karing kasulatang Bhagavad Gita (Dalit ning Kakataskatasang Panginwan), ing makadiwang laman o sangkap ning Mahabharata, 5,000 banwa na ing milabas ngeni.
Ing Gita e de abalu karing Labwad Paroba angga king katatawlyan ning ka-18ng dalambanwa, dapot manibat kanita dakal neng ayagyag a dakilang mapanisip mengari kari Kant, Hegel at Schopenhauer, ding American transcendentalists Emerson at Thoreau, at di Einstein at Oppenheimer a kinangwang kapakdyan king kebyasnang alang-angga ning Bhagavad Gita.
Dakal ya mayumung amanu ing Gita. Deti ring mapilan mung alimbawa:
"O anak nang Kunti [Ardyun], Aku ing lasa ning danum, ing aslag ding aldo at bulan, ing kulit a om karing dalitan ding Aklatbelwan; Aku ing aksing king basalganas at kegiwan king tau.
Aku ing kamumulang samyu ning yatu, at Aku ing pali king api.. Aku ing bye karing sablang mabibye, at Aku ing pamagkasakit karing magdimut.
Your browser may not support display of this image. O anak nang Prita, balwan mung Aku ing kamumulang bini ring sablang mabibye, ing kabyesnan ding mangabyasa, at ing kasiknan ding sablang masikanang tau." -Dangka 7, Sunis 8-10
"O Ardyun, anting Kakataskatasang Pangatau ning Punbatala, balu Ku ing segana-ganang milyari king milabas, ing sablang malilyari king kasalungsungan, at ing sablang bage dating pa. Balu Ku la ngan mu naman ding sablang mabibye lelangan; dapot Aku alang makibalu. " -Dangka 7, Sunis 26
Aliwa pang alimabawa: "Balwan mung ding sablang mangalagu, maligaya, at mangasikang lelangan sisibul manibat king ditak mung kislap ning Kanakung keslagan.
Your browser may not support display of this image. Dapot nanu ing pamangaylangan karin, Ardyun, kareng mabngalalam a belwan? King ditak mung pirasu ning Sarili Ku makalaganap Ku at sasaklung king metusikluban." - Dangka 10, Sunis 41-42
"Parati mu Kung isipan at magi kang talasuyu Ku. Samban mu Ku at midaun kang pamigalang Kanaku. Kanita dasnan Mu kung alang kamalyan. Pangaku Ku keka ini uling ika ing Kanakung pekamakamal a kakaluguran.
Your browser may not support display of this image. Lakwan mo ngan ding sablang kauryan ding kapanyamban at sumuku ka Kanaku. Ikabus da ka karing sablang kablas ding kasalanan. E ka tatakut. " - Dangka 18, Sunis 65 - 66.
Nanu ing kabaldugan ding amanung deti? Nanu ya o ninu ya i Krisna?
****
Malyari kang magparalang sulat o mambag kawatasan, kapusungan, balita, munikala o sisti. Parala mu kabud o iyaus king kek'ong talasuyung talasulat king text o cp: 0919-6940-224 o king email: garciakragi@yahoo.com.