“Ing pakalulu nang Krishna ati yu para karing balang metung.
E Ya mangabiran at ala yang kakampyan...likas mu ini. Pagmasasabl Na la ding anak Na.
Nung ala ing pakalulu Nang Krishna alang metung man a mitagan,
agyang ding makadimonyus midirinan lang pamangan at sablang kaylangan king bye.
Ing balang bage manibatan kang Krishna. Ding biga mibabalag lang uran
agyang karing mula da ring e maniwala keng Dyos. Ding talasuyu pasalamat la king Dyos
keng pamagkalub karing sablang pamangaylangan king bye...
dapot e pa mu rin dalise lugud ini.
--Karing walu nang Pangading Lord Chaitanya makasulat...
“O Ginu ko, Ing Banal mung Lagyu kabud ing makapagpakalam karing sablang mabibye,
at inya pin sa atin kang dina-dinalan at kata-katang lagyu anti mo ing Krishna, Govinda, Yahweh,
Allah, Jehovah at dakal pang aliwa. Karing Nwan a Lagyung deni pemunan mu la ngan
karing Kekang nwan a upaya. Alang masakit at mabilisang tuntunan king pamigale
karing Lagyung deni. O Ginu ko, pauli ning ganaka Mu peburen Mu kaming makalapit Keka
kapamilatan ning pamigale karing Banal mung Lagyu, dapot asna ku kelang-palad
uling ala kung akakit timyas para Karela.”
I Krishna lakwas Yang makailig karing talasuyu at pamalsinta da kang Krishna ding talasuyu
at i Krishna mayayagyag Ya karing talasuyu Na. Ala yang kasimpara ing kabilyang iti.
Keraklan karing mabibye lelangan e de tagana kakaulan pusu keng pusu i Krishna.
E la malsinta kang Krishna. I Krishna sisesen Na la dapot e Ya mayayagyag karela.
Ing lugud yang magyagyag kang Krishna, inya gagale ta la ding Lagyu Nang Krishna
king balitang na ning sasane pamanyuyu ating kapanaligan kang Krishna at king Guru
at bagya-bagyang miraras king balitang ning kusang-lub a pamanyuyu.
Kanita sasambitlan ta ya ing lagyu nang Krishna a ating lugud.
Ing lugud ayni kang Krishna yang magyagyag Kaya.
Nung buri mung takman ing lugud kang Krishna, ati yu keka nung makananu karakal
ing kaburyan mung luguran i Krishna. Libut-libut tamu king metusikluban magdulap
king metung a palsintan. Balang metung magdulap king metung a kapantas-pantasang tau
bang luguran at agya mang makatagmu kang metung a palage mu kapantas-pantasan
king malagwa o king malambat mikawani kayu king nanu mang sangkan,
kaybat mantuna ka na namang aliwa, mekad lumwat 60, 80 90ng banwa .
Ating mangatwang tau a bisang makiyugne king metung a malyaring luguran.
Kabolangan iting bina, pakikwanan mung milakap king makalabwad a yatu.
Abating mu ing pamikatagun. Ituntun mu ing panamdam mu kang Krishna, pakatingid mu,
igale la ding lagyu nang Krishna, samban la ding larawan nang Krishna.
Ing metung a tau tatalukyan na ing paralan ning sasane kasuywan
dapot ala yang matikding kapagnasan o matibe pamipasya?
Ing alimbawa ning metung a dalaga a makatingid king metung a baintau at magpasya—
Gawan ku ing sabla bang ing baintaung ini luguran na ku, ing dalagang ayni migpasya na ya.
Ing aliwang dalaga isipan na, masalese, nung e ke akwa ing baintaung ini, masalese mu, atin
kung aliwang sangkan, ing dalagang ayni mayna ya pamagpasya.
”
Nung bisa ka taganang magtagumpe sukat kang masikan pamagpasya.
Nung e ka makatingid kanita e maging mayan...lumambat...dapot e masayang nganang Krishna,
dapot ing kapagnasan da ring talaturu e ta sukat maging maging alang masabal,
alang pamagpasya o ing kapagnasan tamu e na kasing lusuk ning kekatamung kapagnasan.
Uling ila, ding talaturu, balu dang lakwas kang magnasa lakwas kang magtagumpe.
Sukat tamung kutnan ing sarili tamu—i Krishna metung yang makalele a pamiyabe?
Makananu kaulaga ing pamiyabe ayni kang Krishna? Pakatingid tamu ing lugud
tamung metung mu parasan. Ninu man mekad talasawa ya o nanu man.
Atin tamung pamiyabe karing aliwa a midaragdag king lugud tamu kang Krishna—
makasuglung kang Krishna.
Kaylangan tamung mika-ganap a tula king pamiyabe tamu kang Krishna,
ini ing santungan tamu, ing panibatan ning sikanan, kabitasan.
Nung ituntun tamu nu man karin iti miras tamu king pangasaldak.wanan
Ninu mang makadanas kalungkutan, sukat ta'lang pakidakpan ding lagyu nang Krishna,
ding aske Na. I Krishna e ya kabud guni-guni o metung a dalumat ning pamangyantuliran.
I Krishna yang pekamyap mung kakaluguran. I Krishna tutwanan yang tau.
Makayadya Ya ngeni mu rin. Malyari kang mangadi Kaya—
Keka ku malyari Kang maging kanako? Buri da kang luguran at buri kung maging kanaku Ka.
Kaulan Ya i Krishna. Lawen ing kalungkutan ayni anting pamikatagun bang king wakas
at sabla akaul Ya i Krishna, king paralang ayni ing kalungkutan maging kakaluguran uling
darala na ing ninu man bang kaulan ne i Krishna.
Ing metung atau mekad gagawan na ing pamagsane kasuywan, dapot e pa pamangaul iti
kang Krishna pusu king pusu. Ing tau tune yang darapat king pamagsane kasuywan,
nung paburen nang ing kalungkutan maging sangkan bang manintun aliwa kesa kang Krishna?
Ing Guru pagnasan nang luguran ta'ya i Krishna. Pakisabing mayap igale la ding lagyu n
ang Krishna. Daranas kang saring kalungkutan neng ating aliwang tau.
Antita mu naman keng penandit ning kamatayan, mengaring karalumduman na ning makatayan
a kata-katang ukdu. Ing kalungkutan paragdag nang paragdag angga na king penandit
ning kamatayan. Kamuritan ing pakikwanang apamatulan ing kalungkutan tamu kapamilatan
ning metung a pamiyabe a e malaus angga king kapupusan ning katawan lakwas na king ninu
man a dindam na na ing katutwan, balu mung e ka lumwat king katawang ini.
Pakamalan kung Krishna, Ika ing bye ku.
E ka kakaliwa at lulugud king aliwa, kabolangan, kamuritan.
Ing kamuritan ya pin ing pamangawa king metung a bage paulit-ulit
at mamasang mikayaliwang bunga. Alimbawa, paulit-ulit a mapapali...
bye kaybat ning bye kaybat ning bye.
Mantun tamu nagn king metung para luguran at iti dapat ituntun kang Krishna.
Igale la ring lagyu nang Krishna! Dakal a salamat! Haribol!”
~ Chris Butler, Mayu 26, 2013
***
Salamat pung dakal king pamanangkilik keng Kapisik at SunStar Pampanga. Malyari ko pung mag-email keng kek’ong talasulat king muirbiliuqeitpo@gmail.com mag-text o maus para karing kutang o munikala: 0942-3924-399 o 0945-3795-270.