DUHA ka mga sakyanan nga nagkarga og mga ilegal nga kahoy nababagan sa probinsya sa Bukidnon.
Unang sakyanan nababagan mga alas 3:47 sa hapon niadtong Martes, Nobiyembre 12, sa Sitio Mahahayay, Barangay Pamotolon, lungsod sa Kalilangan Bukidnon.
Dakpan ang driver sa wingvan nga giilang si Castrodes Samson, 37, lumad nga taga Davao del Norte ug kauban niini nga giilang si Tinggoy Maximino, helper sa truck.
Ang Municipal Environment and Natural Resource Office (Menro)-Talakag maoy nagpahibalo sa Talakag Police Station kalabot sa van nga puno og kahoy nga wala’y igong dokumento.
Ang duha anaa karon gikostudya sa kapolisan.
Sikop sab ang usa ka Albert Suratos, 32, ulitawo, taga Kitaotao, Bukidnon human mga alas 11:00 sa buntag sa Martes nababagan ang gimanehong van nga puno og 8,000 board feet sa ilegal nga kahoy.
Ang suspek gikustodya na karon sa kapolisan human hugot nga gidili ang pagdala ug pagputol sa mga punoan sa kahoy sama sa mahogany, lawaan, narra ug uban pa.