GIKUMPIRMA ni Police Colonel Rolando Destura ang Provincial Director sa Misamis Oriental Provincial Police Office nga adunay 2,000 ka mga naghupot og armas sa probinsya ang nag-expired na karong panahona.
Matud ni Destura nga gikonsidera kini nilang loose firearms tungod kay sa balaod kinahanglan kung hapit na ma expired ang armas sa sibilyan adunay tulo ka bulan nga gitagana aron pag renew niini.
Ang nahitabo hangtod karon panahona wala gihapon nag renew kini nga mga sibilyan.
Paabot ni Destura sa naghupot og armas nga ila kining iturn over ang ilang mga armas sa mga Police Station aron matago ug ma asses sa kapolisan samtang ila kining i-renew.
Apan kung dili magbali bali sa pagparenew niini subject kini for search warrant ug isilbi kini nila sa mga naghupot og armas karon panahona.
"Gipahibalo namo nga isurender na kana nga mga armas kay gina check na namo karon. Ayaw hulata nga kami ang mangdakop sa inyo sa paghupot og expired nga mga armas," matud ni Destura.