TRENTAY-SINGKO ka mga doctor sa Northern Mindanao Medical Center (NMMC) ang gikwarantinas human adunay close contact sa gikompirmadong adunay coronavirus disease (Covid-19) nga 21 anyos nga taga Barangay Lumbia, siyudad sa Cagayan de Oro.
Kini ang gikumpirmar ni Dr. Bernard Rocha, medical specialist II sa NMMC, ug gibutyag niini nga lakip sa gikwarantinas ang 32 ang nurses; walo attendants; duha ka midwife; usa ka nursing aid; duha ka ward men; usa ka phlebotomist; usa ka driver, ug usa RT nga sa kinatinuk-an niabot og 83 ka mga health workers.
Matud ni Rocha nga dako kini nga hagit sa mga health workers apan sila padayon sa pag-atiman sa mga Covid-19 related cases ug general health services.
“This is a big blow sa amo but padayon gihapon mi. We we have never stop sa among pag-atiman sa general services ug among Covid related services,” matud ni Rocha.
Kahinumdoman nga naaksidente ang maong 21 anyos nga Covid-19 patient ug gi-operahan sa surgical Intensive Care Unit sa NMMC rason nga ang mga personahe sa maong ospital ang gi-kwarantinas aron usab nga mamonitor.
Lakip sab sa gibalhin ang walo ka pasyente nga gikan sa maong surgical ICU ngadto sa Emerging and Re-emerging Infectious Diseases (ERID) ward/floor aron nga ma-monitor ug makuhaan og swab sample human nga nakaduol usab sa 21 anyos nga nagpositibo.
Gipahibalo sab ni Rocha nga maayo ang kahimtang sa pasyente karon panahona ug well “guarded”.
“With regards sa health status ‘guarded’ although awake and stable enough,” matud niini.