GITUOHANG nadigyas ug nabugsok ang ulo sa sementadong bahin sa tangkalan sa baboy ang nuwebe anyos nga bata sa Pigsag-an sa Cagayan de Oro.
Patay si Norme Alungay, residente sa nahisgutang dapit kinsa nakaangkon og dakong samad sa ulo rason sa iyang hinanaling kamatayon.
Subay usab sa pamilya sa bata nga wala sila nasayod nganong nisaka ug unsay hinungdan sa pagsaka niini sa punoan sa santol ug nakurat nalang sa dihang nahulog na.
Gitoohang nadigyas kini tungod kay wala’y nabali nga sanga sa maong punoan sa santol.
Ang patay nga lawas ang gi-atiman na sa nahabiling pamilya.