Babaye naglutaw nga wala’y sapot

WALA’Y sapot ang usa ka babaye nga giingong dunay deperinsya dihang napalgan nga naglutaw hapon sa Miyerkules, Septiyembre 25, sa baybayon sa Coastal Road, Lapasan, dakbayan sa Cagayan de Oro.

Ang biktima wala pa maila kinsa gìbana-banang anaa sa mga 40-anyos ang pangidaron.

Sa nahipos nga impormasiyon, giingong nakita pa kini nga nag-ambak-ambak sa maong dapit ug wala kini sapot nga naligo.

Ang maong patay nga lawas ang anaa na sa Bollozos.

Sa pagsulat niini nga balita Miyerkules, wala pay mga kabanay nga nipatim-aw.