NAGPASALAMAT si Senador Cynthia Villar sa mga Kagay-anon, human kini nag ikatulo nga rango sa piniliay sa pagkasenador sa dakbayan sa Cagayan de Oro sa nilabay nga eleksyon, atol sa iyang pagbisita sa siyudad sa gipahigayon nga groundbreaking ceremony pagtukod sa 40 ka 2-storey nga gambalay.
Nakakuha og 166,692 nga boto si Villar gikan sa mga Kagay-anon kinsa sa kinatibuk-an nakakuha kiniog 25,128,563 nga boto hinungdan nga nag-numero uno sa tibuok Pilipinas.
“I would also like to personally thank the people of Cagayan de Oro City for their support during the recently concluded national election,” matud ni Villar.
Gipasalig usab niini sa katawhan nga mas palapdan ug palig-unon pa ang iyang pagpanerbisyo sa nasud ug sa tibuok katawhan.
“Maraming salamat po sa tiwala at suporta, rest assured of my even more intensified commitment to serve our country and our people,” pasalig niini.