MIAWHAG ang dakbayan sa Cagayan de Oro nga abli ang mga barangay health center alang sa buot nga mo-inom og Doxycycline hyclate (200mg) labina na kadtong mga nahumol sa baha.
Matud ni Teddy Sabuga-a Jr., acting City Administrator sa dakbyan, nga andam ang Cagayan de Oro sa paghatag og mga tambal.
Kini human sa kabalaka sa katawhan nga makuha ang sakit nga leptospirosis tungod sa mga nasinati nga baha sa dakbayan.
Ang leptospirosis makuha gikan sa hugaw ug ihi sa mga ilaga.
Ang mga sintomas niini mao ang paghilanat, paspas ang pitik sa kasingkasing o pagginhawa, dalag o pula ang mga mata, pagsakit o labad sa ulo, pagsuka, pagsakit sa tiyan, kalibanga, gamay o walay ihi ug pagsakit sa batiis.
Dili usab pwedi motumar sa Doxycycline hyclate (200mg) ang mga mabdos, nagpasusu nga inahan, wala'y sulod ang tiyan o gutom, dose anyos (12 anyos) paubos, hubakon ug aduna'y allergy sa Tetracyclines.
