POSIBLENG sugdan na ang pagtrabaho sa kanal nga proyekto sa Department of Public Works and Highway (DPWH)-Northern Mindanao nga moagi sa Limketkai area ning siyudad sa Cagayan de Oro.
Gipahigayon ang Memorandum of Agreement (MOA) tali sa Limketkai ug tinugyanan sa DPWH-Northern Mindanao sa nahisgutang mall aron nga masugdan na ang maong proyekto.
Matud ni Kagawad Teodolfu Lao, tsirman sa Public Utilities sa Konseho, nga pormal na gipirmahan ang maong kasabotan ug saksihan kini sa lokal nga kagamhanan sa siyudad pinaagi na usab niini.
"Formal namong dunay signing with the DPWH and Limketkai corporation nga MOA katong diha na moagi sa Limektkai," matud ni Lao.
Giingong tumong niini nga matubag ang problema sa nasinatiang pagbaha sa maong dapit ilabi na kun dunay pag-ulan-ulan.
"Agora isumpay sa Limketkai mao man na atong nakita nga diha gyud ang grabe nga pagbaha ug duna nay formal signing ang sunod nga step ana iplano ang dagan sa traffic," dugang niini.
Samtang buot usab niini nga apason una nga mahuman ang sa Gaabucayan aron nga dili kini mamahimong hinungdan sa pagkabukog sa grabe nga pagkabukog sa dagan sa trapiko.
"Sa akong suggestion nga agpason sa ang Gaabucayan para mahimo natong alternate road sa katong gikan sa coastal area diha moagi katong western bound diha sa moagi sa national higway dili magkagrabe ang tarffic pud," dugang niini.
Giingong ang Kolambog creek ang gihimoan na usab og tulay aron nga ang tubig lahos na sa Macajalar Bay.