TARGET sa Department of Social Welfare and Development (DSWD-10) Northern Mindanao nga makaprodyus og 73,000 food packs nga mahatag karong tunga-tunga sa bulan sa Abril ning tuig alang sa tibouk rehiyon.
Gibutyag ni Evelyn Madrio personahe sa DSWD 10 atol sa Northmin Task Force for Covid 19 nga ilang gipaspasan ang repacking aron matubag ang pangihanglan sa katawhan batok coronavirus disease 2019 (Covid 19).
Gipasabot niini nga aduna silay hard volunteers karon nga paspas nga nagrepack aron maapod apod ang relief assistance.
"Naa mi hard volunteers para paspas ang repacking ug ma- come up nga makuha ang 73,00 food packs in the middle of April 2020," matod ni Madrio.
Dunga pa nga aktibo na karong panahona ang ilang operation center ug andam na usab ang quick response team.
Sa kasamtangan aduna silay stock file nga 17,794 ka mga family food pack nga kon diin 38,000 ka pamilya ang on going procurement.
Aron paghatod sa relief assistance o prepositioning ilang gi-tap ang kasundalohan.
Hagit karon sa buhatan ang repacking niining dugang pundo alang sa food packs nga balor P26 milyon tungod kay adunay kakulangon sa suplay sa canned goods apan gipangitaan na kini nilag paagi nga maresolba.
Niadtong Biyernes nakapadala na sila og 3,000 family food packs sa lalawigan sa Bukidon.
Ang gibasihan sa apod-aporan niini kining listahan nga gihatag sa ilang tagsa tagsa ka munisipyo nga ila sab i-crossmatch tungod kay aduna gihapon limitasyon sa pag-apod apod niini.