GISUMBAG sa engineer ang usa ka foreman human nga naglasong niadtong Hulyo 24, 2018 sa sulod sa kamulong gi-construct nga tunghaan sa Barangay Camaman-an, dakbayan sa Cagayan de Oro.
Nagpatala ang engineer nga si Esmail (bansagon gitago) 53, minyo nga taga Camaman-an ug gireklamo si Jerry (bansagon gitago), 42, minyo nga residente sa dakbayan sa Iligan.
Sa nahipos nga impormasiyon, gikabutyag nga kanunay nga gakahubog si Jerry samtang kamulo sila og trabaho ug nasutang gakasayop-sayop ang mga trabaho niini sama sa pagka–disalign sa mga tie beam ug uban pa.
Dihang gi-kumpronta, giingong nasuko kini ug naglasong ug namasangil pa kini nga utangan ang engineer sa kantidad nga P71,500 nga una na niini nga gipanghimakak.
Samtang nidangop usab si Jerry sa kapolisan ug nireklamo nga gisumbag siya ni Esmail sa ika-duhang higayon lakip usab nga misumbag kaniya ang katabang ni Esmail.
Gi-akusahan usab niini ang engineer nga maoy naghangyo kaniya sa konstruksiyon sa iyang balay ug wala mibayad sa maong dakong kantidad.
Ang maong insidente ang nakatala na sa buhatan sa kapolisan ug giduso sa Barangay lupon alang sa tukmang disposasiyon.