NAGPASALAMAT ang lokal nga kagamhanan sa siyudad sa Cagayan de Oro kalabot na usab sa gidonar sa Rural Transit Mindanao Inc. (RTMI) nga mga bus nga gitakdang matunol karong semanaha nga mokantidad og kapin tres milyones.
Gibutyag ni Kagawad George Goking nga dako kaayo kini nga tabang sa RTMI sa katawhan sa siyudad ilabi na kung dunay mga delegado nga dunay tambongan sa laing lugar pwede na kini nga magamit tungod na usab kay dako kini.
Sa pakighinabi kang Goking gipadayag niini ang pasalamat sa maong korporasiyon alang na usab sa pagtamod sa ilang responsibilidad diha sa komunidad.
“Pasalamat ta sa RTMI kay part of their corporate social responsibility nila naghatag sila og dako nga bus, air-con bus, kabalo ta nga dako kaayo ni siya nga magamit, dako kaayo ang purpose anang bus kay I think makasakay na og over a hundred kay dako gyud siya nga bus,” matud ni Goking.
Giingong ang memorandum of agreement nga ang gi-aprobahan kini tali sa RTMI ug ni Mayor Oscar Moreno diin gilaomang madawat karong semanaha.
Naglaom usab kini nga daghan pa nga mga korporasiyon ang andam nga himuon ang ilang mga resposibilidad sa komunidad ug motunol og mga tabang alang sa kalamboan sa siyudad.