GI-AGHAT sa Anti-Cybercrime Group ang mga nabiktima sa online scam nga mo-report sa ilang buhatan sa Police Regional Office (PRO)-Northern Mindanao sa Camp 1 Lt. Vicente Alagar, Lapasan, Cagayan de Oro imbis nga modangop sa Facebook.
Nasayran nga nag-unang natalang napasakaan og kaso sa maong buhatan ang online libel, gisundan sa online threat ug ikatulo ang online scam.
Gibutyag ni Police Major Vincent Magto, chief sa FBTS-CFCU sa Anti-Cybercrime, nga daghan pa gihapon ang mag-post sa social media sa ilang mga reklamo imbes nga i-report sa otoridad, rason nga daghan ang mag-atubang og kasong online libel.
"We advise na to report into appropriate authorities like sa amin if naka- encounter sila ng scammer, or na scam sila through online, we invite them to come to our office and file appropriate case," matud ni Magto.
Gidugang pa niini nga dili makasulbad sa problema ang Facebook apan madugangan lang ang problema labi na kung i-reklamo ka og online libel.
"Kasi hindi naman po na so-solve ni facebook ang problema natin, It would only create a ripple of problems lang po might as well come to sa opisina namin," dugang pa.
Giingong andam ang maong buhatan pag-atiman sa mga modangop sa ilang opisina ug bukas sila 24 oras.
Nasayran nga dunay nasikop niadtong nilabay nga semana tungod sa kasong online libel nga usa ka computer technician, kini human nag-post diha sa social media sa iyang kasuko sa iyang agalon diin anaa ang hulagway ug ngalan niini.