ANAA na sa 19,762 ang kinatibuk-ang ihap sa nakarekober nga mga indibidwal nga nataptan sa coronavirus disease 2019 (Covid-19) sa Dakbayan sa Cagayan de Oro human nakatala og 52 ka bag-ong nakarekober nga mga indibidwal.
Nakatala usab og 161 ka mga bag-ong kaso sa dakbayan, usa niini locally stranded individual (LSI), duha ang mga returning overseas Filipinos (ROFs) ug 158 ang mga local transmissions.
Matud sa City Health Office, sa 158 nga mga bag-ong lokal nga kaso, 36 ang mga authorized persons outside residence (Apors), lima ang mga Apor with link, 97 ang mga local index nga mga kaso, 16 ang mga local cases with link, ug upat ang mga patay.
Ang Cagayan de Oro adunay 1,072 active cases, 259 niini na-admit sa Northern Mindanao Medical Center ug uban pang mga ospital sa syudad, 775 ang mga outpatient ug 38 ang mga ROFs/LSIs.
Ang ihap sa mga namatay sa Covid-19 sa syudad anaa na sa 862.