NIBANGGA ang gimanehong motorsiklo sa usa ka jail officer mga alas 11 sa gabii Lunes, Septiyembre 22, sa Gran Europa, Barangay Lumbia, dakbayan sa Cagayan de Oro.
Patay si Senior Jail Officer Joselito Bascon, 54, kasamtangang nagpuyo sa Villanueva, Misamis Oriental.
Sa impormasiyon nga nahipos gikan sa Police Station 8 (PS8) sa Lumbia, nasayran nga aksidenteng nibangga ang gimaneho ni Bascon nga motorsiklo nagdala sa numero sa plaka nga 1001415029 sa asero nga babag sa kalsada.
Gikabutyag nga gisubay ni Bascon ang Oro garden paingon sa sentrong bahin sa siyudad apan nawad-an kini og kontrol.
Gidala pa sa balay tambalanan si Bascon, apan nakabsan kini sa kinabuhi human wala na makaagwanta sa mga naangkong bun-og ug mga samad.
Ang patay nga lawas ang giatiman na sa nahabiling pamilya.