Janitor nahulog sa kahoy, patay

PATAY ang usa ka janitor human nahulog samtang nag-trim sa kahoy sulod sa tunghaan niadtong Oktubre 6 sa buntag sa Xavier High School, Upper Carmen, dakbayan sa Cagayan de Oro.

Sa impormasiyon gikan sa kapulisan sa Police Station 4 (PS4) sa Carmen, gikabutyag nga samtang nisaka sa punoan sa kahoy si Edirico Baclayo, 24, aron sa pagputol og mga sanga sa mahogany aksidente kining nahulog.

Gidala pa kini sa JR Borja General Hospital apan nakabsan kini sa kinabuhi pipila ka oras tungod sa mga samad nga naangkon.

Ang patay nga lawas ang gi-atiman na sa nahabiling pamilya.