GIINGONG wala nakasulbad sa problema sa terorismo sa pulo sa Mindanao ang padayon nga pagpaubos sa Martial Law.
Matud sa grupong Kilusang Magbubukid ng Pilipinas Northern Mindanao (KMP-NM) sa pagpangulo ni Ereneo Udarbe nga unta hunungon na ang Martial Law tungod kay hangtod karon wala kini makatabang pagsulbad sa terorismo.
Kini tungod na usab sa sunod-sunod nga pagpangbomba sa Inulan, Sultan Kudarat diin pipila na usab ka kinabuhi ang nakalas.
Ila usab nga gihulagway ang ang pagpatuman sa Martial Law usa ka paagi aron mapadayon ang pagpamunoan sa military sa pulo.
Gikabalaka sab sa grupo ang posibling pagpangbomba nga mahitabo ilabi na nga nakadawat og hulga ang dakbayan sa Cagayan de Oro.
Hangyo ni Udarbe sa katawhan nga magbinantayon kanunay aron maprotektahan ang kaugalingon panahon nga adunay mga pagpanabotahe nga matigayon. (SVB)