DINAPIT nga bisita si Presidente Rodrigo Duterte atol sa Partido Demokratiko Pilipino-Lakas Ng Bayan senatorial rally nga gipahigayon sa University of Science and Technology, sa dakbayan sa Cagayan de Oro niadtong Dominggo, Marso 24.
Atol sa iyang usa ka oras kapin nga speech kon diin iya sab giindorso ang mga senador nga iyang gisuportahan, wala kapugngi sa iyang baba nga biradahan ang kaparian, mga korap nga opisyal lakip kining mga rapist.
“Pagsinabi ko iyan, was I lying? Karon ang Pope mismo pag-adto sa Dubai niamin didto nga ang madre gihimong kunsomo sa pari. He admitted nga ingon ana nahitabo, hasta ang sexual abuse sa mga bata ug mga sakristan. Mao na si Pope sa kauwaw niya nangayo og pasaylo,” butyag niini ug miingon nga ang mga pari sa siyudad sa Cagayan de Oro dili kaayo apan adunay mga obispo nga gitawag niini nga elitista.
“Kining mga pari diri dili kaayo kanang mga obispo, obispo nga elitista kay didto sila tag-iya og bangko. Tinuod namakak ba ko? Ang Pope nag-ingon. Prangka lang. Imo gani ko tagaan og problema iuli gyod nako sa imo,” dugang niini.
Lakip sa gibiradahan niini ang Simbahang Katoliko nga gisaway niini.
“Ingna ko nga gwapo ang Katoliko kay magluhod ko diha sa Luneta magdupa ko kay mangayo kog pasaylo.”
Warning sab niini ngadto sa mga daw nangabuso nga kaparian.
“Kamong mga pari nga nangrape og bata, kamong mga pari nga nangumot og it*** pu**** i** ninyo dapat patyon gyud mo,” butyag pa niini.
Hirit sab niini ngadto sa mga korap nga opisyal nga dili na mag-ampo kung mangawat lang gihapon ang tuyo.
“Korapsyon? Usa ra. Daghan na cabinet member usa ra kasayop. Lisod man gud na sa tinoud pod naa gyod korapsyon. These are all ako mismo nag ingon sa Ombudsman imbestigahan na. Unya filan na,” matud ni Duterte.
Mismo iyang mga gabinete pasakaan og kasong korapsyon tungod kay sakit alang kaniya nga nalambigit niini.
“Tanan cabinet member filan og kaso, gikuha nako sila kay nisalig ko and what is very painful to me is that they were with me even during a past year in 1988 when I run for the first time for public office, they were there to help me to assist me and everything. Pagka Presidente nako out of our camaraderie I am rewarding them with this but to avoid ayaw namog ampo-ampo unya mangawat man pod,” matud niini.
Gibahadan sab ni Duterte ang mga rapist nga pamatyon.
“Kamo kung bata inyong reypon, kung babayi imong reypon imo pa gyud patyon, kawatan nimo. Buhion ta pa ka? Kadtong nang rape og 4 months old kaluoy sa Diyos patay na to. Kung di mo kapugong ana inyong uwag palit mog ice, ilubong na inyong it*** ug o*** didto,” matud ni Duterte.