PATAY ang usa ka motorista human nalatayan ang ulo niini sa trak nga kargado og bugas mga alas 9:44 Martes sa buntag, Marso 3, sa Zone-4, Barangay Katipunan, lungsod sa Villanueva, Misamis Oriental.
Giilang biktima nga si Moises Corselle Delos Santo, residente sa lungsod sa Tagoloan, Misamis Oriental.
Sa imbestigasyon sa kapulisan, nasuta nga naligid kining motorsiklo sa biktima nga tayming sab pag-agi sa trak nga nagdala sa plaka 8893 gimaneho ni Ricardo Pahunang, taga Cugman, siyudad sa Cagayan de Oro.
Ang driver sa trak anaa na gidetenar sa Villanueva Police Station samtang patay’ng lawas anaa gidala sa punerarya sa maong lungsod.
Naghangyo ang kapulisan nga magbinantayon kanunay labina sa pagmaneho aron malikayan ang mga insidente nga susama niini.