GIBUTYAG ni Misamis Oriental Governor Yevgeny Vincente Emano nga tungod kay naila ang Miss Kuyamis sa Misamis Oriental human nagsige og harbat og mga titulo sa national nga mga competition.
Hagit karon sa gobernador kang Atty. Jeffrey Saclot, ang Provincial Tourism Department head, nga magkuha og mga bangiitang mga judges aron maoy mopili sa pinaka maayo nga representante sa Misamis Oriental aron moapil sa mga national ug international nga mga beauty pageant competition.
Huwebes sa gabii, Enero 10, pilion ang Miss Kuyamis 2019 sa coronation night nga gipahigayon sa Tagoloan Dome, lungsod sa Tagoloan.
Mensahe ni Emano ngadto kang Saclot.
“I believe he was able to get a very very good judges, judges that will hopefully will be able to choose the best face, best brain and the best representative for Misamis Oriental to all our tournament nationally,” matud ni Emano.
Dugang sa gobernador, malaumon siya nga ang mananaog niini ang dili lang mopasigarbo sa iyang lungsod nga gipresenta apan ngadto sa pag promote sa tibouk lalawigan.
“A challenge for Atty. Jeffrey is that the winner where hopefully he will be able to mold that she will not only represent the municipality kon asa siya gikan but to change ang iyang the way she thinks that will be able to promote whole Misamis Oriental,” matud niya.
Ang mga napiling Miss Kuyamis 2019 Panel of Judges gilangkoban sa Asia's Next Top Model Cycle 5 Grand Winner nga mao si Maureen Wroblewitz; Miss Supranational 2013, Mutya Johanna Datul; Manhunt International Philippines 2016, Don Mcgyver Cochico; Eat Bulaga's That's My Bae Grand winner, Kenneth Earl Medrano; resident judge, Carousel productions vice president ug Mutya ng Pilipinas World 1977 nga mao si Peachy Veneracion.
Hinumduman nga ubay-ubay na ka prudokto sa Miss Kuyamis ang nidala og garbo sa lalawigan human midaog sa mga dagkong kompetisyon sa national ug international level.