DILI na padaganon kon pabiyahion ang mga dagkong sakyanan panahon nga duna nay pagsaka sa tubig sa dakbayan sa Cagayan de Oro.
Gisugyot ni Retired Col. Mario Verner Monsanto, overseer sa City Disaster Risk Reduction and Management Office (CDRRMO), nga himoan og balaod o ordinansa sa dakbayan ingon man sa ubang mga ahensiya ang “No Movement” policy panahon sa pagbaha alang sa mga dagkong sakyanan.
Kini human namatikdan nga panahon sa pagbaha masinati usab dayon ang pagkabukog sa trapiko tungod sa mga dagko nga sakyanan nga mao na ang nag-ukopa sa kadalanan.
Matud ni Monsanto nga mas maayo nga dunay balaod niini aron mahimong pangdakpon ang maong mga trak tungod kay kong wala balaod igo lamang kini nga badlungon.
Gipasabot ni Monsato nga kong naa na sila sa dalan panahon sa pagbaha dili kini ipalihok ug magpundo na lang sa daplin.
Ang “No Movement” policy alang lamang sa mga hauler ug lorries.