MGA dagkong patigayon ang misulod sa lalawigan sa Misamis Oriental sugod sa tuig 2013 hangtod karong panahona.
Gibutyag ni Provincial Information Officer Carlo Duga-Duga nga mao kini ang rason nga nahimong numero uno ang lalawigan sa Misamis Oriental sa listahan sa Bureau of Investment (BOI) dinhi sa rehiyon.
Kini kon itandi sa laing mga lalawigan sama sa Camiguin, Lanao del Norte, Bukidnon, ug Misamis Occidental.
Ang BOI nagpagawas og report nga misaka ngadto sa P24.814 bilyon nga balor sa negosyo ang misulod sa probinsya niadtong tuig 2018.
Ang maong kantidad, 53 percent sa P907 bilyon nga balor sa negosyo nga misulod sa tibuok Northern Mindanao.
Usa sa nag-unang hinungdan ang expansion sa San Miguel Distillery, pagkatukod sa Purefoods Hormel meat processing plant, Metro Pacific bulk water project, katukoran sa FDC Misamis Coal Fired power plantug SM Downtown Premiere Mall.