UPAT ka mga samad dinunggaban ang naangkon sa usa ka lalaki human gidunggab sa wala maila nga mga suspek samtang nagpaabot og motorela diha sa Velez street ning siyudad sa Cagayan de Oro.
Pabilin nga nagpaalim ang biktima nga si Nick Cloma, 18, ulitawo ug residente sa Barangay 17 ning siyudad samtang ang usa sa mga suspek nga midunggab niini naila nga si alyas Baranggo.
Sa nahipos nga impormasiyon gibutyag sa higala sa biktima nga samtang nagpaabot kini og motorela diha sa nahisgutang dapit kauban ang mga higala kalit lamang sila nga giduolan sa lima ka mga wala mailang suspetsado.
Giingong nakadagan ang mga higala niini ug nabilin ang biktima kinsa gidunggab sa suspek sa makadaghang higayon sa likod nga bahin niini sa walay igo nga rason.
Sa pagsulat niini nga balita pabilin nga nagpaalim sa naangkong samad ang biktima.