TULO ka mga lalaki ang mitulis sa usa ka negosyante alas 2:20 sa hapon sa Martes, Septiyembre 24, sa Villain Street, Barangay Carmen, dakbayan sa Cagayan de Oro.
Ang biktima naila nga si Jowell Dagang, 42, minyo, ug residente sa Silver Creek Subdivision, Upper Carmen, ug tag-iya sa Joharlem Enterprises nga nahimutang sa maong dapit.
Sa nahipos nga impormasiyon gikan sa kapulisan, giingong sakay sa XRM 125 mga motorsiklo ang mga tulisan kinsa nidala sa mga alahas sa biktima nga anaa sa P400,000.
Ang maong insidente ang gi-imbestigahan na ug nagpahigayon na og follow-up operation ang kapulisan labi na ang Carmen Police Station.