BISAN pa man sa kabalaka nga dala sa 2019 novel coronavirus o 2019-ncoV padayon gihapon ang pagdagsa sa katawhan sa mga patigayon dinhi sa dakbayan sa Cagayan de Oro.
Gibutyag ni Konsehal George Goking, tsirman sa trade and commerce, nga dili apektado ang mga negosyo sa dakbayan bisan paman niining hulga sa panglawas.
Apan naghangyo kini sa katawhan nga sundon lang ang pahimangno sa Department of Health (DOH) aron nga malikay niining makamatay nga sakit.
“So far, wala may nakaabot sa ako nga hinay ilang mga business, the mayor has the task force so let the task force do the job,” matud ni Goking.
Gidugang pa niini nga dili angayang mahadlok tungod kay makapahinay lamang kini sa sistema sa panglawas ug imbes nga mahadlok angayang palig-unon ang immune system.
“Kita di lang ta mahadlok kay the fear will really make us sick samot na mahinay atong immune system streghthen our immune system nalang,” dugang niini.