GIPASIGARBO ni Misamis Oriental Governor Yevgeny “Bambi” Emano ang kalampusan sa iyang programang Barangay Bambi (Bililhon ang matag baryuhanon ipalambo) kon Barangay Empowerment Program.
Kini gumikan kay sa pagsugod niini moabot na ngadto sa P200 million ang balor sa proyekto nga nahatod ngadto sa mga kabarangayan.
“I have never been proud to have been started Barangay Empowerment Program and imagine almost P200 million atong nahatag nga project that’s almost 3,500 individial nga nahatagan og trabaho didto sa barangay,” matud ni Emano.
Atol sa niaging flag raising, giwitkan ni Emano og mga pulong ang iyang mga kaatbang hilabina si Bise Gobernador Jigjag Pelaez ug Board Member Jessa Mugot nga gitawag sab niining “Miss Righteous” kini tungod sa giingong pagsige og saway nga wala siyay nahimo.
“You know, that’s what the camp of vice governor was saying previously ba uban ni Miss Righteous nga board member nga naa diha nga kana si Bambi Emano wala nay nabuhat, mao kana ang storya sa akong kaatbang mas maayo pod didto nabutang dapit ang tarpulin sa atong mga nahimo para ilang makita unya makareport gyod didto sa iyang principal nga kung moingon siya og walay mabuhat ug ilang makita kung unsa atong nabuhat for Misamis Oriental for the last six years,” matud ni Emano.
Ang kampo ni Pelaez giingong dili na motumpang kang Emano ug gibutyag niini nga magtrabaho lamang siya ug suportahan ang katapusang termino niini.
Lakip sa mga mihoras nga itunol panahon sa Barangay Bambi mao ang mga libreng tambal, check-up, seedlings, birth registration, mga pang gamit sa sports ug Bambi-Kab.
Hangyo sab karon sa gobernador ngadto sa mga kapitan nga paspasan ang lihok sa pagproseso sa ilang mga rekisitos hilabina bout niining mobiya sa iyang katapusang termino nga mahuman gyud tanan nga proyekto.