LAKIP sa gihatagan og pagtagad sa City Disaster Risk Reduction and Management Office (CDRRMO) ang pag-selfie sa mga tawo panahon nga dunay pagbaha.
Tungod niini, buot himuong aktibo ni Retired Col. Mario Verner Monsanto, overseer sa CDRRMO, ang Disaster Incident Management Team (DIMT) nga mao’y motutok sa katawhan nga bisan sa kadilekado sa panahon anaa gihapon sa kadalanan.
Basi sa kasinatian, imbis nga mahadlok o mabalak sa pagtaas sa tubig dunay mga tawo nga nag-selfie og gihimo nga background ang bul-og sa tubig.
Matud ni Monsato nga kong dunay pagbaha angay lang nga magpundo sa balay ug mag-monitor sa balita imbis nga magsaoy-saoy sa kadalanan.
Pag Miyerkules, ang dakbayan nakasinati og pag-ulan ulan ug ang Department of Education niabiso pagsuspenso sa mga klase sa mga tunghaan nga sagad mabahaan.