MIHANGYO ang lokal nga kagamhanan sa dakbayan sa Cagayan de Oro ngadto sa katawhan nga dili magpataka og labay sa ilang mga basura tungod kay usa kini sa hinungdan sa mga pagbaha sa kadalanan nga kanunay nga nasinati.
Pipila ka mga dapit sama sa C.M. Recto, OsmeƱa Street, Villarin Street ug uban pa dinhi sa dakbayan ang kanunay maapektohan sa baha labina panahon nga mobundak ang kusog nga pag-ulan.
Ang tinugyanan sa City Risk Reduction and Management Council (CDRRMC) ug si City Administrator Teddy Sabuga-a Jr. mihangyo nga likayan ang paglabay sa mga basura ilabi na sa mga sapa.
Gibutyag usab sa tinugyanan sa Department of Public Works and Highways (DPWH) Sabeniano Caliao Jr., nga panahon sa ilang pag-declog sa mga kanal kasagaraan gyud nga makita ang mga plastik nga basura nga nakabara.
