GIKOMPIRMA sa Philippine Drug Enforcement Agency (PDEA)-Northern Mindanao nga duna pay mga opisyal sa barangay nga protektor sa ilegal nga kalihokan ilabi na sa druga.
Gibutyag ni regional director Wilkins Villanueva sa PDEA-Northern Mindanao nga duna pay mga listahan sa mga protektor ug dili sila mohunong sa pagpakgang niini.
“May mga listahan pa rin tayo ng protector na nasa barangay, basta abangan. Dili ta mounding ... hangtod wala pa ni maguba ning helmet nako di ta moundang,” dalang panganti ug hagit ni Villanueva.
Masuk-anon usab niini nga gipahunong na ang mga nalambigit sa ilegal nga druga tungod kay dili sila moundang sa mga pagpangronda.
“Hay naku, tumigil na nga kayo nakakapagod na nga kasi eh, paghunong na ba! Kay ang barangay, ang mga silingan ninyo mao na nay nag reklamo hindi sa inyo ang barangay, ang barangay para sa tao tumigil na kayo,” dugang pa.
Nasayran nga nasikop ang duha ka mga top 10 nga sila si Pidao Macaondot Itomama alyas Jalilah Tanggo/Jalila Macapanton, 35, minyo kinsa anaa sa ika numero 8 samtang gi-ronda usab ang balay ni Divina Sumagayan alyas Diding, 53, balo ug lumulupyo sa Sitio Carinogan, Carisna Riverside, Lower Balulang, dakbayan sa Cagayan de Oro.