NASAPON sa bana ang planong pagpatay kaniya sa iyang asawa ug kabit niadtong Septiyembre 19 sa Gumamela Extension, Barangay Carmen, dakbayan sa Cagayan de Oro.
Sa Messenger sa Facebook, nakita sa bana ang conversation sa iyang asawa ug kabit niini.
Nidangop sa buhatan sa Police Station 4 sa Carmen ang 28-anyos nga bana, ug gireklamo ang asawa nga si Jane ug ang uyab nga si Jay (dili tinuod nga ngalan).
Gikabalaka kini sa bana hinungdan nga iyang gipa-blotter ug maduso sa Barangay Lupon ang reklamo.