GIKUMPIRMA ni Jose Gabriel "Pompee" La Viña nga si Mayor Oscar Moreno ang gipasabot niini sa iyang gi-post sa Facebook nga naga-ingon nga batokan niini ang usa sa mga pinaka anti-Duterte nga mayor sa tibuok nasud sa Pilipinas.
Ang post ni La Vina nag-ingon, "COC signed & sealed. I am honored to stand up against the most anti-Duterte mayor in the whole Philippines. I will fight for the city of my ancestors and childhood dreams. Cagayan de Oro has been and will always be the greatest love of my life."
"Tinuod na kay diba liberal party man siya, diba mao nang kontra ni Duterte? Ikaduha ang katong election ang mga rally namo dinhi di siya mohatag og permit, sige og hangyo, nag-ingon pa gayud siya nga pasagde lang na si Digong kay di na siya kadaug," tipik sa pahayag ni La Viña.
"But the worst of it kani atong Presidente karon Presidente Duterte kontra sa korapsiyon, kontra sa druga kontra anong tanan, he is the most anti Duterte,opposite siya ni Duterte" dugang niini.
Samtang gibutyag ni La Viña nga dako ang iyang gugma alang sa dakbayan sa Cagayan de Oro hinungdan nga buot kini nga magpapili sa pagka mayor.
"Some people run for power, some people run for money, and well just it's okay to run for love sukad sa akong pagkabata nahigugma nako sa Cagaayan de Oro, this is my first and last love and the love of my life is Cagayan de Oro City," pahayag ni La Viña.
Gibutyag niini nga buot niyang batokan ang korapsiyon, terorismo, druga ug uban pa sa dakbayan.
Gidugang pa usab niini nga higala sila ni Moreno ug dili kini personal ug isyu lamang.
