TULO ka mga empleyado sa Kapitolyo Provincial ang nahimong top performing employee karong tuig 2019.
Kini gilakipan nila ni Bernadeth Mangayon gikan sa Provincial Assessor ug Efren Enterina sa Provincial Planning Development Office ug laing Marjorie Torres gikan sa MOPH Claveria.
Dili tiaw ang pagpili kanila tungod kay giusa-usa kon mopasok ba kini sa kwalipikasyon. Kinahanglan nga moabot ngadto sa tulo ka tuig ang pagseribisyo isip regular ug kaswal nga empleyado. Adunay 19 ka mga nominado ug tulo lamang ang napili.
Gipasidunggan ni Misamis Oriental Governor Bambi Emano ang tulo ka mga empleyado ug isip reward gitakdang motambong kini sila sa coronation night sa Miss Philippines Eart 2019 nga ipahigayon karong adlawa Hulyo 10 sa Manila.
“We made it already a tradition that everytime atong sumbanan who will be going there are employees who are top 5 who did well perform in top 5 in Provincial Capitol. The top 3 who will be going to Manila to watch the Miss Earth coronation,” matud ni Emano.
Gihagit sab niini ang mga empleyado sa Kapitolyo nga kini sila ang himoung inspirasyon diha sa pagpanerbisyo.
“This are the faces and models in the provincial capitol, the faces that we follow. Let them be our guiding light how to serve our people,” Dugang ni Emano.
Gibutyag sab niini nga dili lang ang iyang administrasyon ang mopitol sa mga badlungon apan morekognisar sa mga maayong nabuhat sa mga empleyado.
“Ang mga maayong binuhatan will also be aknowlegde and recognize dinhi sa atong lalawigan. Let them be our example let be your model on how our able to deliver a public service to our people in the Province,” dugang niini ug malaumon nga unta malingaw kini sila sa ilang pagrelax sa kaulohan.
“I hope you would enjoy and continue doing for the good in serving the province and continue to be an inspiration in provincial capitol,” dugang niini.