Tita Heart: Hate ang lesbian

DEAR Tita Heart,

Maayo’ng adlaw kanimo tita ug sa tanan suki sa SuperBalita. Unsa akong buhaton tita nga nakauyab ko og tomboy tita? Akong mama pinaka hate gyod niya ang tomboy kay wala daw tomboy sa bibliya. Unsa akong buhaton tita nga love man nako akong uyab nga lesbian? Please tita tabangi ug tambagi ko.

Joan

*****

Hello Joan,

Dili man nimo ma blame imong mama nga moingon ana kay duna man kita tagsa-tagsa nga impresyon sa usa ka tao apan unta lang iyang respetuhon ang kung kinsa ug unsa ang usa ka individwal matomboy mabayot man kini.

Dili man tuod niya mapugngan ug mabut-an kinsa imong gihigugma apan sa sinugdanan pa lamang nasayod naman gyod ka kung unsay gusto sa imong inahan diba? Im sure galibog ka sa sitwasyon karon apan itry ug paila imong uyab nga dili mo magtago tago aron pod nay freedom inyong relasyon.

Dawata unsay reaksyon sa imong mama kon iyang mahibal-an inyong relasyon kay sa laing tao niya mahibal-an. Dili man pod mahimo nga forever nimong itago sa iyaha.